{PUṞAM 235}
((Originally extracted from master file ^PURAM.OCP))
((Last updated on 2004 April 14th))
{PU 235-1} ciṟiya kaḷ peṟiṉ ē emakku īyum maṉ ē
{PU 235-2} periya kaḷ peṟiṉ ē
{PU 235-3} yām pāṭa tāṉ makiḻntu uṇṇum maṉ ē
{PU 235-4} ciṟu cōṟṟāṉ um naṉi pala kalattaṉ maṉ ē
{PU 235-5} perum cōṟṟāṉ um naṉi pala kalattaṉ maṉ ē
{PU 235-6} eṉpoṭu taṭi paṭu vaḻi ellām emakku īyum maṉ ē
{PU 235-7} ampoṭu vēl nuḻai vaḻi ellām tāṉ niṟkum maṉ ē
{PU 235-8} narantam nāṟum taṉ kaiyāl
{PU 235-9} pulavu nāṟum eṉ talai taivarum maṉ ē
{PU 235-10} arum talai irum pāṇar akal maṇṭai tuḷai urīi
{PU 235-11} irappōr kai uḷ um pōki
{PU 235-12} purappōr puṉ kaṇ pāvai cōra
{PU 235-13} am col nuṇ tērcci pulavar nāvil
{PU 235-14} ceṉṟu vīḻntaṉṟu avaṉ
{PU 235-15} aru niṟattu iṅkiya vēl ē
{PU 235-16} ācu āku entai yāṇṭu uḷaṉ kol ō
{PU 235-17} iṉi pāṭunar um illai pāṭunarkku oṉṟu īkunar um illai
{PU 235-18} paṉi tuṟai pakaṉṟai naṟai koḷ mā malar
{PU 235-19} cūṭātu vaikiyāṅku piṟarkku oṉṟu
{PU 235-20} īyātu vīyum uyir tava pala ē